அம்பாசமுத்திரம் அம்பானி-விமர்சனம்

Ambasamuthirathil Ambani

உழைப்பே உயர்வு என்ற ஒரு வரியை வைத்துக் கொண்டு பட்டுப்பூச்சி நு£ல் பின்னிய மாதிரி அழகாக கதை பின்னியிருக்கிறார் புதுமுக இயக்குனர் ராம்நாத். கசாப்பு கடைக்குள் சிக்கிக் கொண்டு ரத்தம் பார்க்கும் சினிமாக்களுக்கு மத்தியில் ராம்நாத்தின் இந்த படைப்பு சாயங்காலத்து மெரீனா!

அம்பாசமுத்திரத்திலிருந்து அநாதையாக சென்னைக்கு வரும் கருணாஸ் இங்கே பேப்பர் போட்டு ‘பொழப்பை’ தொடங்குகிறார். அவரது ஒரே லட்சியம் அம்பானியாவதுதான். வந்த இடத்தில் காதல், கல்யாணம் என்று கதை நகர்ந்தாலும் பூ கட்டுகிற விரல்களுக்கு நு£ல் முக்கியம் என்பதை காட்சிக்கு காட்சி விளக்குகிறார் ராம்நாத். கடைசியில் ‘அம்பானியாகணும்னு நினைச்சாதான் அட்லீஸ்ட் ஒரு சூப்பர் மார்க்கெட்டுக்கு ஓனராகவாவது ஆக முடியும்’ என்று கூறி வணக்கம் போடுகிறார்கள். இடையில் வருகிற சீன்கள் ஒவ்வொன்றும் கலகலப்பான கதம்பாயணம்.

கருணாசுக்கு ‘கால்படி’ சைசில் ஒரு சிஷ்யன். சிக்னலில் பிச்சையெடுத்தவனை உறவாக நினைத்து கூடவே வைத்துக் கொள்கிறார். வாடகைக்கு இவர் தங்கியிருக்கிற போர்ஷனில் நவ்னீத் கவுரும் தங்கியிருக்க ஆரம்பிக்கிறது காதல் எபிசோட்! ஐபிஎஸ் ஆக்கியே தீருவேன் என்று நசநசக்கும் அப்பாவிடமிருந்து அற்புதமான ஒரு ஐடியா சொல்லி விடுதலை வாங்கிக் கொடுக்கும் கருணாஸ் மீது காதல் பற்றிக் கொள்கிறது நவ்னீத்துக்கு. ஆனால் கருணாசுக்கோ இந்த பொல்லாத காதல் வந்து தனது அம்பானி கனவில் கல்லை போட்டுவிடுமோ என்ற அச்சம். விலகி விலகி போகிறவரை விரட்டி விரட்டி கை பிடிக்கிறார் நவ்னீத். இதற்கிடையில் கோட்டா சீனிவாசராவ் -கருணாசின் கொடுக்கல் வாங்கல்தான் விறுவிறுப்பான இன்னொரு பகுதி. அவ்வளவும் போச்சே என்று ரசிகர்களையும் திண்டாட வைத்து படத்தை சுபமாக்குகிறார் டைரக்டர்.

‘பட்டைகேற்ற பளீர், சட்டைக்கேற்ற சவுக்காரம்’ என்று கருணாசின் என்ட்ரியே கலகலப்பாக்குகிறது தியேட்டரை. அதிகாலை நாலு மணிக்கு எழுந்து ஒற்றைகாலில் “நான் அம்பானியாகணும் நான் அம்பானியாகணும்” என்று உரக்க குரல் கொடுத்தபடி இவர் தவம் இருக்க, அடுத்தடுத்த நாட்களில் அத்தனை போர்ஷன்களிலும் ஆளாளுக்கு தவம் இருக்கும் காட்சிகளில் தெறித்து சிரிக்கிறது தியேட்டர். காதல் காட்சிகளில் இன்னும் சுவாரஸ்யம். கீழே ஏணியை பிடித்துக் கொண்டு கருணாஸ். அரையும் குறையுமாக அதில் இறங்கி வரும் நவ்னீத். கண்ணை மூடக் கூடாது. வேறு பக்கம் பார்க்கக் கூடாது என்று கண்டிஷனும் போடுகிறாரா, பூச்சி பறக்குது கண்களில்! ஒரு கட்டத்தில் அப்படியே சென்ட்டிமென்டுக்கு தாவுகிறார் கருணாஸ். எங்கே ஏமாந்து விடுவாரோ என்ற படப்படப்பு வருகிறது நமக்கு.

வெறும் கவர்ச்சி மட்டுமல்ல, நடிப்பிலும் பின்னி எடுக்கிறார் நவ்னீத் கபூர். இவரை காதலிக்கிற இன்னொரு இளைஞர் (?) லிவிங்ஸ்டன். ஏய் என்னை லவ் பண்றியே, உன் வயசென்ன சொல்லு என்று நவ்னீத் ஆவேசப்படும்போது பின்னணியில் பெரியார் அண்ணா கிளிப்ங்சை போட்டு தியேட்டரையே திடுதிடுக்க வைக்கிறார்கள். லிவிங்ஸ்டனை காட்டி ‘இந்த பையன் முகத்தை பாரும்மா’ என்று கருணாஸ் கெஞ்சுகிற போது இன்னும் ரணகளமாகிறது ஏரியா. ரீசார்ஜ் செய்யும்போது ஒரு நம்பரை தவறாக போட்டுவிட்டு அந்த பணத்தை ஒவ்வொரு முறையும் நேரில் வந்து போன் பேசிக்கழிக்கும் மயில்சாமியும் கலகலக்க வைக்கிறார். முகம் காட்டாத அந்த புரபசர், வீட்டு மாடியிலிருந்து பொசுக்கென்று ஒவ்வொரு முறையும் கீழே குதித்துவிட்டு போகிற காட்சிகளும் களேபரம்.

படத்தில் எதிர்பாராத திடுக் திருப்பம் கருணாசின் சிஷ்யன் செய்கிற வழிப்பறிதான். போலீஸ் ஸ்டேஷனில் ‘உனக்கும் பணத்தேவை இருக்குன்னு தெரியாம போச்சுரா. இந்தா வச்சுக்கோ’ என்று இரண்டு லட்சத்தை வைத்துவிட்டு திரும்பி பார்க்காமல் நடக்கும் கருணாசும், என்னை மன்னிச்சுரு என்று அலறும் சிறுவனும் கலங்கடிக்கிறார்கள். கோட்டா சீனிவாசராவ், அவரது மகனாக நடித்திருக்கும் சேரன் ராஜ் ஆகியோரும் மனதில் கோலமிடுகிறார்கள்.

இசை கருணாஸ். எல்லா டைப்பிலும் ஒரு பாடல் என்று கூட்டாஞ் சோறாக்கியிருக்கிறார். ஒளிப்பதிவாளர் புலித்தேவனின் கைங்கர்யமும் பலே.

கலவை ஜோராக இருக்கிறது. ஜன சமுத்திரத்தில் அம்பானியானால் கூட ஆச்சர்யமில்லை!

Rating- 2/5

Daily News இல் பதிவிடப்பட்டது . குறிச்சொற்கள்: , , , . Leave a Comment »

சூறையாட வரும் “சுறா ” – படத்தின் கதை


விஜய் நடித்த உதயா, புதிய கீதை, வில்லு போன்ற மாபெரும் பிளாப் படங்களின் வரிசையில் வரும் 30 ம் தேதி தமிழகத்தை சூறையாட வருகிறது “சுறா”

படத்தின் கதை:-

சுறா மீன்களை பற்றி ஆராய்ச்சி செய்ய கடலுக்கு சென்ற எந்த ஆராய்ச்சி குழுவும் திரும்பி வராததால் இந்திய அரசும், ஐ நா சபையும் சேர்ந்து விஜய், தாமனா, வடிவேலு மற்றும் ஷக்கீலா கொண்ட குழு கடலுக்கு அனுப்புகிறதாம் , அப்போது வெளிநாட்டு சுறாக்கூட்டம் ஓன்று விஜயின் ஆராய்ச்சி பற்றிய விவரங்கள் கொண்ட லேப்டாப், கேமரா மற்றும் ஷகீலாவையும் கடத்தி சென்று விடுகிறார்களாம், சுறா கூட்டத்திலிருந்து ஆராய்ச்சி பற்றிய விவரங்களையும், ஷகீலாவையும் மீட்டு வருவதுதானாம் “சுறா” படத்தின் கதை.

விஜய் எப்படித்தான் நடித்தாலும் பார்ப்பதற்கு ஒரு கூட்டம் இருக்கிறது அவர்களுக்கு அந்த முதல் காட்சி .சுறா படம் வெளிவரும் 30 ம் தேதி மட்டும் நீங்கள் கொஞ்சம் பொறுமையாக இருந்தால், மே மாதம் முதல் தேதி அதுவும் அரசு விடுமுறையில் எந்த கூட்ட நெரிசலும் இல்லாமல் படத்தை பார்க்கலாம், ( வாழ்க்கை வெறுத்து போனவர்கள் மட்டும் ),

அன்பான விஜய் ரசிகர்களுக்கு:-

நான் ஏற்க்கனவே ( அத நீங்க இன்னும் படிக்கலன்னா கிளிக் ) சொன்னது மாதிரி நல்ல பெரிய குளம், ஆறு , எதாவது லாரி இல்லேன்னா நேர கடைக்கு போய் ஒரு கயறு, எலி விஷம் இதுல எதுவும் கிடைக்கலன்னா பழைய ப்ளேடு எடுத்து பத்திரமா ரெடியா வச்சிருப்பீங்கன்னு நம்பறேன். இன்னும் வாங்கலன்னா சீக்கிரம் வாங்குங்க, 30 ம் தேதி வரைக்கும் வெயிட் பண்ணாதிங்க, 28 , 29 தேதிகளில் கடைகளில் கூட்டம் அதிகமாக இருக்கலாம்.

வெளியூர்காரனுக்கு:-

29 ம் தேதி நைட் 11 . 59 க்கு அன்டார்டிக்கவுக்கு ஒரு ஸ்பெஷல் பிளைட் விடுறாங்களாம், பேசாம அதில ஒரு டிக்கட் புக் பண்ணி ஒரு வாரம் தலைமறைவா இருந்துட்டு வா. இது மற்ற விஜய் ரசிகர்களுக்கும் பொருந்தும்.

குறிப்பு :- இதயம் பலகீனமானவர்கள் , குழந்தைகள் மற்றும் முதியவர்கள் {மொத்தத்தில எல்லாரும் }சுறா படம் பார்ப்பதை தவிர்க்கவும்.

Daily News இல் பதிவிடப்பட்டது . குறிச்சொற்கள்: , , , . Leave a Comment »

ரஜினி-அஜீத் நெருக்கம்! -விஜய் வட்டாரங்களில் நறநற….

விஜய்யின் 51 வது படம் ‘பாடிகாட்’ படத்தின் ரீமேக் என்பது ரசிகர்களுக்கு தெரிந்திருக்கும். இப்படம் மலையாளத்தில் சூப்பர் ஹிட் படம் என்று சொல்லப்பட்டாலும், சேட்டன்களின் கூற்று வேறு மாதிரி இருக்கிறது. “இது எங்க ஊர்ல பிளாப் படமாச்சே” என்கிறார்கள் அவர்கள். ஆனால் தமிழில் எடுக்கும்போது சிற்சில மாற்றங்களை செய்து இங்குள்ள ரசிகர்களுக்கு ஏற்றார்போல எடுக்க திட்டமிட்டிருக்கிறாராம் சித்திக்.

ஏற்கனவே விஜய் நடித்த பிரண்ட்ஸ் படத்தை வெற்றிப்படமாக்கிய அனுபவமும் இருக்கிறது இவருக்கு. இப்பவே இரண்டு பாடல்களுக்கான கம்போசிங் முடிந்துவிட்டதாக கூறுகிறார்கள். ஏனிந்த அவசரம்?

சமீபகாலமாக ரஜினிக்கும், அஜீத்துக்கும் இருந்து வருகிற நட்பு சினிமாவில் பலரது கண்களையும் உறுத்தி வருகிறது. அதிலும், தனது மகள் சௌந்தர்யாவின் திருமண நிச்சயதார்த்த விழாவுக்கு ரஜினி அழைத்த இரண்டே நடிகர்களில் அஜீத் இருந்தார். ஆனால் விஜய் இல்லை. இந்த புறக்கணிப்பு சற்று தடுமாற வைத்திருக்கிறதாம் விஜய் தரப்பை.

ஏன் நமது 51வது படத்தை எந்திரனோடு வெளியிடக்கூடாது என்று யோசிக்க வைத்திருக்கிறதாம். அதற்கான வேகம்தான் இந்த இரண்டு பாடல்கள். பொதுவாகவே சித்திக் வேக வேகமாக படத்தை எடுத்து முடிக்கிற வழக்கம் உடையவர் என்பதால் இந்த ஸ்பீட் தீபாவளியை நோக்கிதான் என்கிறார்கள். எந்திரனையும் அந்த நேரத்தில் கொண்டு வரலாம் என்றுதான் பம்பரமாக உழைத்துக் கொண்டிக்கிறார் ஷங்கர்.

ஆனால் இதற்கெல்லாம் சாத்தியமே இல்லை. ஒருவேளை விஜய்யின் படமே முழுக்க தயாரானாலும், ரஜினி-ஷங்கர்-ஐஸ்வர்யா-சன் பிக்சர்ஸ் என்ற மலைகளை எதிர்க்கிற தைரியம் அந்த நேரத்தில் பம்மிக் கொள்ளும் என்று சொல்பவர்களும் உண்டு.

பார்க்கலாம்…

Daily News இல் பதிவிடப்பட்டது . குறிச்சொற்கள்: , , , , , . Leave a Comment »

வேட்டைக்காரன் : இதெப்படி இருக்கு?

Photobucket“தசாவதாரம் படத்தில் பல்ராம் நாயுடுவின் ‘மொழித் திறமை’ குறித்து அவரது அசிஸ்டென்ட் வெள்ளைக்கார அதிகாரிகளிடம் கூறுகையில், சார், ‘நான்கு மொழிகளில் தெலுங்கு’ பேசுவார் என்று பிரமாதப்படுத்திக் கூறுவார்.

அந்தக் கணக்காக ஆகியுள்ளது வேட்டைக்காரன் பட விளம்பரங்கள்.

வேட்டைக்காரன் படம் வெளியாகி 30 நாட்களையே எட்டியுள்ள நிலையில் 40 நாட்கள் என்று கூறி போஸ்டர் அடித்துக் கலக்கியுள்ளனர் சென்னையில்.

டிசம்பர் 18ம் தேதி வேட்டைக்காரன் ரிலீஸானது. நேற்றுடன் அப்படம் 30 நாட்களைத் தொட்டுள்ளது. ஆனால் அதற்குள் 40 நாட்கள் போஸ்டரை ஒட்டி விட்டனர் சென்னையில். இதைப் பார்த்து விஜய் ரசிகர்களுக்கே கொஞ்சம் போல குழப்பம் ஏற்பட்டுள்ளது.
Photobucket” alt=”” />

இது மட்டுமா… வேட்டைக்காரன் படத்துக்கு ஒரு டிக்கெட் வாங்கினால் ஒரு டிக்கெட் இலவசம் என்று ஆடித் தள்ளுபடி ரேஞ்சுக்கும் போஸ்டர்களை ஒட்டி அசத்தி வருகின்றனர் விஜய் ரசிகர் மன்றத்தினர்.

மேலும், குறைந்த கட்டணத்தில் என்ற புது பிட்டையும் வேட்டைக்காரன் பட போஸ்டர்கள் மீது ஒட்டி வருகின்றனராம் தியேட்டர்காரர்கள்.

ஏன் இந்தக் குழப்பம், குளறுபடி என்று தெரியவில்லை.

Daily News இல் பதிவிடப்பட்டது . குறிச்சொற்கள்: , , , . 2 Comments »

வேட்டைக்காறன் திரைப்படம் தொடர்பாக ஐரோப்பிய இளையோர் பேரவை ஒரு அறிக்கை ஒன்றை நெற்று வெளியிட்டுள்ளனர்.

அன்பான இன உணர்வாளர்களே,

உங்களுடைய இன உணர்வுக்கு நாம் தலைசாய்த்து வணக்கம் செழுத்துகிறோம்.

நீங்கள் இத்திரைப்படத்தை புறக்கணிப்பதற்காக என்று இணையம் முழுவதிலும் மிகப்பெரும் போராட்டத்தை தொடக்கிவைத்துள்ளீர்கள். குறிப்பாக நாம் எண்ணிய கணக்கின்படி பல இலட்சங்களை தாண்டி இத்திரைப்படத்தை புறக்கணிப்பவர்கள் தொகை நகர்கிறது.

இளையோர்களே அத்தொகையின் கதாநாயகர்கள். அவர்களுடைய இனப்பற்றானது போற்றப்படவேண்டியதும், தமிழ்த்தேசியம் பெருமைப்படவேன்டியதுமான செயற்பாடாகும். இணைய உலாவியில் நாம் கலந்துரையாடல்களை வாசித்த நேரத்தில் பலர் வன்முறைசார்ந்த கலந்துரையாடல்களை நடத்தியது நம்மால் கவனத்தில் கொள்ளப்பட்டுள்ளது.

குறிப்பாக சுவிஸ், யேர்மன் நாட்டு இளையோர்கள் இத் திரைப்படம் திரையிடப்படும் திரையரங்குகளில் நீங்கள் மேற்கொள்ளவிருக்கும் வேலைத்திட்டங்கள் சார்ந்தே நாம் இவ்வறிவித்தலை பகீரங்கப்படுத்துவதற்க இட்டுச்சென்றுள்ளது. நாம் சனநாயக நாடுகளில் வாழ்ந்து வருகிறோம். இவ் நாடுகளின் சட்ட திட்டங்களுக்கு அமைவாகவே நாம் எமது செயற்பாடுகளை முன்னெடுக்க வேண்டும்.

மாறாக நீங்கள் முன்னெடுக்கவுள்ளதாக குறிப்பிடப்படும் அநாகரீகமான செயற்பாடுகள் அங்கு செல்லும் எமது மக்களையே பாதிக்கும். இற்செயற்பாடுகளாள் மக்கள் மத்தியில் வெறுப்பையும் எமக்கான அவப்பெயர்களையும் விவாதங்களையும் உருவாக்கிவிடும். இத்திரைப்படத்துக்கு விடுதலை என்ற சொற்பதத்தை கடந்து உணர்வுள்ள தமிழர்கள் செல்லமாட்டார்கள் என்பது திண்ணம்.

ஆகவே இளையோர்களை ஒருங்கிணைத்து செயற்படும் அமைப்பென்ற தார்மீக பொறுப்பில் இருந்து நாம் இவ்வறிவித்தலை விடுத்து நிற்கிறோம். வன்முறைசார்ந்த உங்கள் செயற்பாடுகளை நிறுத்தும்படி பகிரங்க அழைப்பு விடுக்கிறோம்.

எம்மினத்துக்கெதிரான அனைத்தும் எம்மால் தொடர்ந்து புறக்கணிக்கப்படும்.

ஐரோப்பிய இளையோர் பேரவை

செல்வக்குமரன்

(ஓருங்கிணைப்பாளர்)

Daily News இல் பதிவிடப்பட்டது . குறிச்சொற்கள்: , , , , , , . Leave a Comment »