செக்ஸ் உணர்வு கூட வேண்டுமா?

சூரிய குளியலின் மூலம் மனிதர்களின் செக்ஸ் உணர்வு அதிகளவில் தூண்டப்படும் என ஆஸ்திரிய மருத்துவ பல்கலைக்கழக ஆய்வுத் தகவல் தெரிவிக்கிறது. ஆண்களின் செக்ஸ் ஆர்வத்தையும், உணர்வுகளையும் தூண்டுவது டெஸ்டோஸ்டிரான் என்ற ஹார்மோன்தான். டெஸ்டோஸ்டிரான் மிக முக்கிய ஆண் செக்ஸ் ஹார்மோனாகும். ஆண்களின் செக்ஸ் உறுப்புகளின் வளர்ச்சிக்கு இதுவே காரணமாகும். விந்தணு உற்பத்தி, செக்ஸ் உணர்வுகளை கட்டுப்படுத்துவது, செக்ஸ் குணாதிசயங்களை வெளிப்படுத்துவது ஆகியவற்றையும் இந்த ஹார்மோன்தான் பார்த்துக் கொள்கிறது. டெஸ்டோஸ்டிரான் சிறப்பாக செயல்பட வைட்டமின் டி மிகவும் முக்கியம். இந்த வைட்டமின் டி, நமது தோலிலிருந்துதான் 90 சதவீத அளவுக்கு உற்பத்தியாகிறது. நமது ரத்தத்தில் ஒரு மில்லிலிட்டருக்கு 30 நானோகிராம் வைட்டமின் டி இருந்தால் அது சராசரி அளவாகும். அதிகபட்சம் 40 முதல் 60 நானோ கிராம் வரை இருக்கலாம். வைட்டமின் டி சூரிய ஒளி மூலம்தான் நமக்கு பெருமளவில் கிடைக்கிறது. அதேசமயம், இறைச்சி, மீன் போன்றவற்றை அதிகம் சாப்பிடுவதாலும் நமது உடலில் அது உற்பத்தியாகிறது. இதுதொடர்பாக ஆஸ்திரியாவின் கிராஸ் பல்கலைக்கழக ஆய்வாளர்கள் நடத்திய ஆய்வில், குளிர்காலத்தில் ஆண்களிடையே டெஸ்டோஸ்டிரான் அளவு குறைந்து காணப்படுகிறது. இதற்குக் காரணம், சூரிய ஒளி போதிய அளவில் கிடைக்காததால்தான். போதிய அளவு சூரிய ஒளிக்கு தங்களை உட்படுத்திக் கொள்ளும் ஆண்கள், மற்ற ஆண்களை விட சிறந்த முறையில் செக்ஸ் உணர்வுகள் தூண்டப்பட்டு காணப்படுவதையும் இந்த ஆய்வில் கண்டுபிடித்துள்ளனராம். செக்ஸ் ஆர்வத்தையும், உணர்வுகளையும் செயற்கையான முறையில், வயாகரா மற்றும் இதர மருந்துகள் மூலம் தூண்டுவிக்கச் செய்வதை விட சூரிய குளியலே நல்ல பலனைக் கொடுக்கும் எனவும் ஆய்வாளர்கள் கூறுகின்றனர். தினசரி ஒரு மணி நேரம் சூரிய குளியல் செய்தாலே, டெஸ்ட்டோஸ்டிரானின் அளவு 69 சதவீதம் உயரும் எனவும் அவர்கள் கூறுகின்றனர். எனவே இனிமேல் செக்ஸ் உணர்வுக்காக ‘மெடிக்கல் ஷாப்’ போக வேண்டாம், ‘மொட்டை மாடி’க்குப் போய் சூரியனைப் பார்த்து ‘ஹாய்’ சொல்லி விட்டு வந்தாலே போதும்!

Daily News இல் பதிவிடப்பட்டது . குறிச்சொற்கள்: , , , . 1 Comment »

சூப்பர் செக்ஸ்?: ‘பன்றி பெஸ்ட்’!-சொல்கிறார் அர்ஜென்டினா பெண் அதிபர்

சிறந்த முறையிலான செக்ஸுக்கு வயாகராவைத் தேடிப் போவதை விட பன்றிக் கறி சாப்பிட்டாலே போதும் என்று கூறியுள்ளார் அர்ஜென்டினா நாட்டு பெண் அதிபர் கிறிஸ்டினா பெர்னாண்டஸ். அர்ஜென்டினாவில் பன்றிக் கறி ரொம்ப பாப்புலர். பன்றிக் கறியைச் சாப்பிடாதவர்களே கிடையாது என்று கூறும் அளவுக்கு அங்கு பன்றிக் கறி ரொம்பவே பிரபலம். இந்த நிலையில் பியூனஸ் அயர்ஸில் நடந்த நிகழ்ச்சியில் பன்றிக் கறி சாப்பிடுவோருக்கு குஷியூட்டும் தகவலைக் கூறினார் அதிபர் கிறிஸ்டினா. அவர் பேசுகையில், வயாகராவை விட சக்தி வாய்ந்தது பன்றிக் கறி. இதை நான் எனது சொந்த அனுபவத்திலிருந்து சொல்கிறேன் என்று கிறிஸ்டினா கூற, அர்ஜென்டினாவே கிளுகிளுப்பாகியுள்ளது. கிறிஸ்டினா தொடர்ந்து பேசுகையில், எனக்கு பன்றிக் கறி சாப்பிட்டால் நமது செக்ஸ் செயல்பாடுகள் தூண்டுவிக்கப்படுவது முதலில் தெரியாமல்தான் இருந்தது. ஆனால் பின்னர்தான் அதை புரிந்து கொண்டேன். வயாகரா மாத்திரைய நாடுவதை விட வறுக்கப்பட்ட பன்றி இறைச்சி மிகவும் சிறந்த முறையில் நமது செக்ஸ் உணர்வுகளைத் தூண்டி விடும். எனது கணவர் நெஸ்டர் கிர்ச்னரும் நானும் பன்றிக் கறி சாப்பிட்ட பின்னர் சிறந்த முறையிலான செக்ஸ் உறவைக் கொள்ள முடிந்தது. இதை வைத்துதான் இவ்வாறு அடித்துச் சொல்கிறேன் என்றார் கிறிஸ்டினா. அத்தோடு நில்லாமல் பன்றிக் கறித் தொழிலை ஊக்குவிக்கும் வகையில் பல்வேறு சலுகைகளையும் அவர் அறிவித்துள்ளார். உலகிலேயே பன்றிக் கறியை அதிகம் சாப்பிடும் மக்கள் அர்ஜென்டினா நாட்டினர் என்பது கூடுதல் தகவல். இவர்களுக்கு கோழிக் கறி உள்ளிட்ட பிற வகை இறைச்சிகள் பிடிக்காது. பன்றிக் கறிதான் இவர்களின் தேசிய உணவு என்று கூறும் அளவுக்கு பன்றிக் கறிக்கு அடிமையானவர்கள் அர்ஜென்டினா நாட்டவர். இத்தனைக்கும் தெற்கு அட்லான்டிக் மீன்வளப் பகுதியில் அர்ஜென்டினா இருந்தாலும் கூட கடல் உணவுகள் பக்கம் இவர்கள் எப்போதாவதுதான் திரும்பிப் பார்க்கிறார்கள். கிறிஸ்டினா சொல்வது குறித்து செக்ஸ் ஸ்பெலிஷ்ட்டான அமடோ பெச்சாரா என்பவர் கூறுகையில், பன்றிக் கறியால் செக்ஸ் செயல்பாடுகள் தூண்டுவிக்கப்படுது குறித்து இதுவரை எந்த நிரூபணமும் இல்லை என்றார்.

Daily News இல் பதிவிடப்பட்டது . குறிச்சொற்கள்: , , , . Leave a Comment »